हि वाट दूर जाते !!

हि वाट दूर जाते !!

दूर दूर क्षितिजा पार,
चल  सख्या जाऊ,
हातात हात घालुनिया
एकत्र घालवू क्षण चार...

मनातले काही मी बोलीन ,
काही तू बोल,
आज या वाटेवर,
शब्दात तुझ्या भिजून मी जाईन...

वाटेवर सुख-दुःखाच्या गप्पा मारू,
वेळ जाऊ विसरुनिया,
सावलीत जरा घेऊ क्षणभर विश्रांती,
हिरवा गार दिसल्यास तरु...

लाभला हा एकांत
बऱ्याच दिवसात,
आसमंत हि शांत...

हि वाट नेई दूर कुठेतरी ,
स्वप्नातल्या एका गावा परी,
तेथेच रमू , थोडा वेळ,
भान नको - ना काळ वेळ...

मग येऊ परत,
आपल्या जगात,
असेच पुन्हा जाण्यास स्वप्नातल्या राज्यात,
नेईल जिथे हि  वाट........


                                                                                                    जुई.